Малітва да св. Яна Боско члена Салезіянскай сям’і

Святы Яне Боско, айцец і настаўнік моладзі, заступайся за нас перад Богам разам з Марыяй Успамогай Хрысціянаў, якую ты даў нам за Маці і Настаўніцу. Нястомна сцеражы Салезіянскую сям’ю, якую ты заснаваў паводле Божага натхнення. Умацоўвай нас, каб, нягледзячы на зменлівыя павароты жыцця, мы маглі вытрываць у салезіянскім пакліканні. Прывядзі ў Салезіянскую сям’ю новыя  святыя пакліканні, каб Божая місія і надалей спаўнялася сярод моладзі ў араторыях, школах і парафіях. Дапамагай нам выхоўваць дзяцей, моладзь і дарослых у праўдзе, сумленнасці і пабожнасці. Адхілі ад іх маральную сапсаванасць, бязбожнасць і разбуральныя залежнасці. Учыні, каб добрым словам і прыкладам мы старанна ўмацоўвалі ў іх сэрцах веру, надзею, любоў і адвагу. Выпрасі для нас у Бога благаслаўленне і сілу волі, каб мы нястомна крочылі па шляху дасканаласці і святасці. Амэн.

Іншыя матэрыялы ў гэтай катэгорыі: « Малітвы да св. Яна Боско аб атрыманні пэўнай ласкі

Апошнія навіны

Думкі ксяндза Боско

Шчыры, сыноўскі, светлы давер Марыі, сталая пабожнасць дазволілі вам пераадолець кожную цяжкасць, быць вытрывалымі, патрабуючымі у адносінах да сябе

Св. Ян Боско