Малітва аб распазнанні паклікання праз заступніцтва св. Яна Боско

Пане Езу Хрыстэ, углядаючыся ў аблічча св. Яна Боска, прашу Цябе за ўсіх людзей — у сужэнствах і сем’ях, у святарстве і манаскіх супольнасцях, на ўсіх месцах працы. Cпашлі свайго Духа, каб яны былі верныя свайму пакліканню. Прашу Цябе таксама за сябе і ўсіх маладых людзей, дай нам ласку распазнаць Твае намеры адносна нашага жыцця. У малітоўнай цішыні мудрасцю свайго слова ўлі ў маё сэрца адвагу прыняць рашэнне згодна з Тваёй воляй і воляй Твайго Айца. Амэн.

Апошнія навіны

Думкі ксяндза Боско

Зразумела, што лягчэй расхвалявацца, чым узяць сябе ў рукі, прыгразіць дзіцяці, чым растлумачыць яму. Нам, з нашаю нецярплівасцю і пыхаю, найвыгадней біць тых, хто не саступае, чым з цярплівасцю іх навучаць. Цярплівасць — гэта дар Духа Святога, аб якім трэба маліцца.

Св. Ян Боско